同老婆睇復仇者遇世紀難題 伍家謙都唔識答：10年同幾多女友睇過
撰文：鄺鈺瑩
出版：更新：
伍家謙發文同網友討論應該點答「十年入面經歷幾多任女友睇Marvel電影」呢個難題。
《復仇者聯盟4：終局之戰》為Marvel影業鋪陳了10年嘅「無限寶石系列故事」畫下完美句號。戲固然好睇，但戲外，同樣精彩，日前有網民睇完《《復仇者聯盟4》之後，喺討論區發出求救，事關佢被另一半問起：「我尋晚同老婆去睇Endgame，散場之後佢突然問我marvel十年入面同過幾多人去睇，經歷咗幾多『任』......佢仲補多句話唔會嬲叫我老實答喎」。
識睇一定係睇留言
呢個問題，真係點答都危機重重，就連伍家謙都忍唔住喺fb發文，想同網民討論點先可以全身而退，雖然唔少網友都認為「點答都係end game」，但伍家謙就提議該網友可以答「Don't spoil the Endgame」，亦有網友教路點答都無問題，最緊要一句「love you 3000」。