【友枱VIP】入行逾廿年恨做視后 周家怡：有邊個唔想攞獎？
撰文：鄺鈺瑩
出版：更新：
節目中，周家怡對於王維基早年邀請佢過檔一事，表示至今依然十分感激。（影片截圖）
一連十集嘅《友枱VIP》話咁快去到最後一集，嘉賓係周家怡。入行逾廿年嘅周家怡，由《火舞黃沙》中「兔唇女」、《花花世界花家姐》嘅「哈皎皎」，甚至係《導火新聞線》嘅方凝都令人印象深刻。之不過，演技雖然備受肯定，但一直與獎無緣，節目中，被問到恨唔恨做視后／影后時，周家怡就好直白咁話：「攞獎個個都想架啦，有邊個唔想？我好怕啲人話OK啦。」
佘詩曼近年頻頻北上賺錢，周家怡話雖然見面少咗，但感情一樣咁好。影片截圖）
提到自己過往半紅不黑的日子，而身邊好友佘詩曼早已名利雙收，周家怡笑言：「你淨係呢樣嘢叻又點？」她隨後解釋指自己當時年輕，從來都唔會諗太多，只係知道有嘢就去做，又指喺大台的好處就係一定有劇拍。「係而家多咗時間去研究，亦都知每次演出係成績表，對未來嘅路有影響，盡力做到最好。」