【網絡騙案】陳曉華首拍劇便做女二： 期望喺鍾嘉欣身上偷師
撰文：吳子生
出版：更新：
TVB新劇《網絡騙案》今天（20日）公布演員名單及造形，陳曉華（Hera）亦是劇集其中之一的演員，這次是她首次拍劇，為了這套劇集她更需要剪短頭髮：「我依家頭髮短咗好多，我有啲睇唔慣，一直以來由細到大頭髮都係鎖骨對下，依家啱啱好到鎖骨，所以有啲緊張，因為我條頸有啲長，未必適合。」
Hera戲中飾演督察。（陳順禎攝）
談到第一次拍劇她直言相當緊張，所以一直也有在偷師：「我知道要拍呢套劇有瘋狂做運動，同埋我都有睇TVB嘅劇，睇唔同女藝員拍過嘅警察角色，例如鍾嘉欣同胡定欣，後來監製同我講角色同我好貼切，所以都係做返自己。」
Hera覺得短髮不太適合她，所以從未嘗試過。（陳順禎攝）
而Hera第一次拍劇便擔任第二女主角，可見公司對她的重用程度蠻高，Hera對公司的栽培非常感激：「希望自己可以今次做到自己要求，（好快可以上快做女一？）冇咁快，跳唔到上去住。」