演舞台劇「破處」獻熒幕初吻  莊端兒:收劇本時寫住瞓喺張床度

撰文:吳子生
出版:更新:

由Ekids Tommy、劉翁及柳瑩三人聯手炮製的舞台劇《夜谷賓館營業中》,由策劃籌備至今已經兩年時間,並將網絡小說藍橘子的原創故事《一夜谷賓館營業中》首度搬上大舞台,並於今日(29/6)在銅鑼灣舉行記者招待會,出席演員包括有Ekids三子、莊端兒、洛兒、歐陽仲豪(豪Dee)及「達哥」林慧韡等人。

Xenia對於要獻出熒幕初吻,大為緊張。(葉志明攝)

Xenia笑言收到劇本時,一睇就見到劇本寫住訓在床上:「今次都算幾突破,其實我拍咗咁多部電影,同啲男藝人拍嘅時候,都未試過喺床度,最多都係喺梳化度,但今次同『豪Dee-(歐陽仲豪)激烈地喺張床度,總之係有嘢發生啦,哈哈,同埋我做咁多嘢,有拍過唔同嘅製作,都未獻出過熒幕初吻,我真係唔知阿『豪Dee』係咪真係咁好彩,係我第一個男人,哈哈!」

Xenia透露在劇中與「豪Dee」(歐陽仲豪)飾演一對「爆房」情侶。(葉志明攝)