【聽雪樓】首演反派角色獲網民激讚 袁澧林：導演話我唔夠奸
撰文：吳子生
出版：更新：
「文青女神」袁澧林（Angela）今日（5/7）現身銅鑼灣出席著名品牌活動。講起配戴腕錶喜好，原來Angela鍾情簡潔平色的腕錶，認為較易配襯服飾：「我比較鍾意簡約，但有時都會鍾意啲顏色會比較誇張啲，但黑色同白色嘅顏色係我最鍾情嘅。」
內地劇集《聽雪樓》口碑強勁，Angela表示喜出望外。（劉智源攝）
Angela近來憑內地劇集《聽雪樓》反派角色明河一角備受內地網民喜愛，人氣急升。Angela開心表示：「其實我都估唔到我可以處理到呢個奸角嘅角色，因為大部分時拍攝嘅時候，自己覺得都唔係演得幾好，覺得好差，尤其是講我要殺人嘅時候，導演都有話我個樣唔夠奸，要我用力啲去演，但演感情戲份都問題不大。」
袁澧林覺得能夠返內地拍劇，已經是一種幸運，因為可以透過拍劇吸取演戲經驗。（劉智源攝）