梁詠琪濕身拍廣告 浸足4粒鐘皺晒皮：當做咗一日gym！
撰文：黃欣華
出版：更新：
梁詠琪（Gigi）最近為拍廣告，不惜瞓在水池中，展現出水芙蓉的一面。拍攝當日，攝影師在影樓內臨時搭建一個大水池，穿上長裙晚裝的Gigi瞓在水中，配合一些優雅的手部動作，在水光波影下，展現完美的面部輪廓。
「其實只係有少少難度，因為想營造出好輕、好水潤嘅效果，兩邊有工作人員不停攞住咭紙潑水，製造人造浪，水嘅高度又近眼，好幾次被水潑入眼，影響拍攝。而且雙手要浮喺水面，擺一啲好優雅嘅動作，但實情我隻手有重量，所以要凌空hold住隻手响水面，雖然返屋企手臂肌肉有啲酸痛，但效果好好！哈哈，當做咗一日gym！」Gigi笑言。
多年來都keep得好好！
為呈現完美效果，Gigi都毫無怨言，相當專業，她說：「因為要就條腰線，又要就個樣靚，加埋雙手做動作，浸足4個鐘，條腰同對手好攰，手腳浸到皺皮，哈哈，當日髮型同化妝師都要不斷來來回回澗水走入水池幫我補妝整頭，大家都好專業又認真，都係為求效果靚。」
明星唔易做！