【港姐2019】男友支持加入娛圈 亞軍港姐王菲：佢好支持我追夢
撰文：吳子生
出版：更新：
《香港小姐競選2019》昨晚圓滿落幕，得獎佳麗經過一晚休息後，今日（9/9）現身將軍澳電視城會晤傳媒。贏取亞軍王菲表示：「噚晚返到屋企都好夜，係咁回覆朋友嘅短訊，都搞到零晨3點解先上床瞓覺，但都瞓唔著，因為實在太過抗奮，不斷諗返噚日嘅比賽。」
王菲奪獎後，心情難而平伏，搞到成晚都瞓唔著。（陳順禎攝）
提到昨晚表現，王菲坦言睇返重抽片段，認為在問答環節比較遜色：「因為自己一向轉數都唔係好快，所以覺得自己答得唔係咁好，但整體成個比賽自己表現都唔錯嘅。」（男友支持加入娛樂圈？）王菲直言：「當初參選嘅時候，佢都好支持我去追夢，參選以來，佢畀咗好多鼓勵，每次去做嘢，佢都會傳訊息畀我，叫我要加油，真係覺得好Sweet嘅。」
王菲表示昨晚比賽只家姐現身現場見證奪獎。（陳順禎攝）