【大步走】拍劇暴曬致滿面雀斑 劉穎鏇：兩日用完支防曬都冇用
撰文：吳子生
出版：更新：
劉穎鏇（Tiffany)今日（2/10）現身將軍澳出席明珠台《魅影星期日》宣傳活動。Tiffany表示每年萬聖節日都會和一大班朋友扮鬼扮馬慶祝一番：「以前細個喺美國時候，都會去隔離鄰居拍門派糖，但宜家就好鍾意去啲主題公園鬼屋，因為自己好鍾意被人嚇嘅感覺，不過我就更加鍾意帶埋一班嘅朋友一齊去，因為可以嚇番我啲朋友轉頭。」
Tiffany表示每年《萬聖節》都會約埋一大班朋友扮鬼扮馬慶祝。（陳順禎攝）
Tiffany 提到近日忙拍無綫劇集《大步走》，經常在戶外拍攝，導致面部出滿雀斑甚為苦惱:「我成個人真係黑咗好多，最慘係我塊面啲斑曬到深色晒，我聽啲化妝師建議狂搽防曬，不過都冇用，因為我出好多汗然後溶晒，搞到我兩日時間就用完一支。」
Tiffany因拍劇集《大步走》，經常外景拍攝，搞到皮膚曬黑晒。（陳順禎攝）