【蒙面法】引發大規模示威 羅蘭為港人祈禱：保佑平安
撰文：吳子生
出版：更新：
羅蘭昨晚（4/10）現身中環蘭桂坊出席海洋公園嘩鬼酒吧派對。每年的《萬聖節》港人必定想起龍婆羅蘭姐，皆因龍婆這個角色已成為港人心目中的Icon:「其實我做咗龍婆呢個身份都有成30年時間，每逢《萬聖節》即係又到一年，時間真係過得好快，希望大家好好珍惜每一個時刻。」
羅蘭姐今晚出席在蘭桂坊舉行的海洋公園嘩鬼酒吧派對。（陳順禎攝）
今日下午特區政府引用《緊急法》訂立禁蒙面法，導致大批市民在中環一帶示威遊行，羅蘭被問到會否擔心出席活動後走唔到？羅蘭姐直言不擔心：「總有好多地方都可以走到。」（香港搞成咁有冇唔開心？）羅蘭姐坦言：「有少少唔開心，因為我係人都會有呢種感覺，因為我係教徒，所以早晚都會祈禱，為眾人祈禱求主保佑各人平安身體健康。」
羅蘭姐透露好少在家收看電視，所以並未能掌握香港局勢情況。（陳順禎攝）