【木棘証人】為方便造人回無綫拍劇 羅仲謙：喺香港凡事容易處理
撰文：吳子生
出版：更新：
羅仲謙今日（11/10）現身將軍澳出席無綫新劇《木棘証人》拜神儀式。提到同老婆楊怡結婚3周年紀念點過？仲謙表示：「其實之前我太太都喺網上面講過唔會有咩特別慶祝，當然，有時候能夠準備到就準備啦，但準備唔到嘅時候，大家都要知足囉，好似宜家平平安安咁，覺得已經係一個好嘅禮物，其實真係想拍完套劇之後，可以同太太去返我哋之前喺英國影婚紗相嘅地方，一齊懷念下嗰陣時嘅感覺。」
羅仲謙事隔3年，強勢回歸無綫拍攝新劇《木棘証人》。（劉智源攝）
外間一直盛傳太太懷孕消息，仲謙澄清說：「其實呢個消息傳咗成年，如果係宜家都出咗世，都知大家想戥我哋開心，咁所以唔會有壓力同唔開心，反而多謝大家嘅關注，我同老婆都係抱住隨緣嘅心態。」（回巢拍劇方便造人計劃？）仲謙直言：「老實講係嘅，因為喺香港凡事都會容易啲處理。」
+2