陳山聰婚禮任司儀 胡定欣胡蓓蔚爆準備好做老竇：成日分享BB相！
撰文：葉詩
出版：更新：
陳山聰周五（1日）與拍拖五年的圈外女友何麗萍（Apple）舉行婚禮，好友胡定欣與胡蓓蔚均盛裝出席，胡蓓蔚更言：「打扮嘅時間同台慶差唔多，同埋我哋嘅關係好深厚，所以要更加出力，咩都打孖上。」
＊胡蓓蔚將在宴會中擔任主持，同時她又會與胡定欣招呼賓客及收人情：「因為我哋比較熟悉佢身邊嘅朋友。」（陳志嵐攝）
胡定欣憶起她和陳山聰從同事、到知己/兄弟：「我覺得一切都係緣份，然後我哋陪佢走進人生新旅程，好感動！」她又不忘揶揄新郎陳山聰：「陳山聰係個演員，做戲應該唸唔少對白，但到自己嘅婚姻誓詞佢居然窒！」
二人又大爆陳山聰準備好做爸爸，胡定欣說：「佢成日好有老豆竇Feel咁抱住個侄女出嚟，又成日分享有BB嘅相，我哋成日都話佢扮晒嘢，但我哋感受到山聰有好大改變、好Ready去成為一個好丈夫、好爸爸，希望佢可以快啲有好消息。」
胡定欣與胡蓓蔚結伴出席好朋友陳山聰的婚禮。（陳志嵐攝）