琦琦今日（5/12）現身店舖開幕酒會，透露將會全家到外地滑雪過白色聖誕兼為囡囡任晴佳(Ella)慶生。談到丈夫任達華的傷勢，琦琦說：「佢隻手恢復緊，到時就唔會滑雪，驚自己跌親。可以幫我哋影相，其實佢都唔enjoy滑雪。」囡囡早前為雜誌拍攝封面，琦琦表示不會作母女檔演出並希望她以學業為重：「佢讀書最重要，希望低調啲。」Ella將踏入15歲，被問到會否想女兒拍拖時，琦琦顯得抗拒：「佢係讀書好認真嘅小朋友，拍拖對佢嚟講仲係好早。」