【踩過界II】孫慧雪家中女庸欠債被追債恐嚇：擔心上門騷擾淋油
撰文：吳子生
出版：更新：
孫慧雪（阿雪）今日（10/12）現身電視城出席無綫新劇《踩過界II》造型記者會。阿雪透露在劇中飾演一名緬甸少女，將會遠赴緬甸取景拍攝：「今次好難得可以出埠拍嘢，到時我啲戲份會密集式咁拍，我老公話帶埋阿囝嚟，我話唔好呀，講真咁難得可以唔使湊仔，俾我真係可以抖下。」
經過今次事件，阿雪表示下次搵女庸會提高警覺。（葉志明攝）
提到月前家中女庸突然請辭，事後收到財務公司電話追債兼恐嚇信。阿雪表示：「其實宜家都會有啲擔心，始終屋企有小朋友，唔知佢哋會唔會上嚟屋企騷擾淋油，我哋有同嗰啲打嚟追數嘅人講，借錢嗰個人唔係度，我哋仲去咗入境事務處，攞埋份證明文件，證明呢個人已經唔喺呢度，不過好彩佢借條數都係幾千蚊，咁所以暫時情況都唔算好嚴重。」