梅艷芳逝世16年 袁詠儀蔡一傑胡渭康貼舊照悼念
撰文：洪曉璇
出版：更新：
2003年12月30日，梅艷芳因子宮頸癌併發肺衰竭病逝，終年40歲。雖然已經過咗16年，但佢依然長存喺大家心中。
梅姐離世16年，袁詠儀貼上黑白照懷念故友（微博：＠袁詠儀靚靚）
曾合作拍攝《金枝玉葉2》，同梅姐成為知己好友嘅袁詠儀，30號凌晨時份就喺微博貼梅姐黑白舊照悼念：「梅姐！在遠方的你，好嗎？想你」有網友細心整理，原來靚靚已經連續9年於微博發文悼念梅姐，果然姐妹情深。
有網友發現靚靚已經連續九年發文悼念，相當長情（微博圖片）
梅艷芳一手提帶草蜢，蔡一傑從未忘記師傅恩情（IG：@djremus_choy）
由梅姐一手帶入行嘅草蜢，多年來未忘師傅恩情，三位都有發文憶起恩師，蔡一傑留言話：「你好嗎？常常在夢裏見到你，真好、最近過得怎麼樣啊？遲一吓我們在某一個空間再會相遇的！」蘇志威亦憑歌寄意：「師傅，今年是我們的好朋友Danny入行四十週年的紀念年。借用他的一首名曲來表達我的心意＂心愛著你＂」胡渭康則上載昔日黑白舊照悼念梅姐，「誰可以告知，重演那一次，何日在何日，問何日君再來⋯⋯ #珍惜眼前人」