【萬千星輝】陳煒唔敢着黃色晚裝 阮兆祥：我哋全部都係色盲
撰文：吳子生
出版：更新：
陳煒今日（2/1）現身商台為節目雷霆881《一圈圈》擔任嘉賓。節目主持人阮兆祥透露節目播放時段將由早上調動到下午3點：「一轉換個環境，更係要搵啲重量級嘉賓上嚟撐場，更唔少得有煒哥（陳煒）啦，頭先仲同煒哥玩遊戲，睇我衫領係唇印就知我哋兩個玩得好投入啦，其實你哋可以睇下煒哥嘅裙頭，唔同地方都有好多唇印，哈哈，都係講笑。」
煒哥今日現身商台接受雷霆881《一圈圈》節目主持人阮兆祥訪問。（陳順禎攝）
講到年度無綫盛事《萬千星輝頒獎典禮2019》即將舉行，晚裝準備成點，煒哥就話：「全權交咗俾設計師去處理，最緊要靚！」旁邊祥仔笑言：「要進取得嚟又保守，煒哥爆笑話：「係咪衫長褲短求其短露一半，哈哈！」（黃色晚裝鍾唔鍾意？）祥仔笑言：「嗰啲顏色唔好再提啦，我哋全部都係色盲嘅。」煒哥笑指透明顏色最好，祥仔續說：「透明喱士對於我哋嘅男士就最好啦！」
+2