黃祥興又添丁  籲親友勿到醫院改以電話祝賀

撰文:鄺鈺瑩
出版:更新:
黃祥興再做爸爸,不過佢就呼籲各方好友唔好去醫院。

黃祥興同老婆結婚7年肓有一仔一女,今日(30/1)再添一子,組成五口之家,可喜可賀!老婆剖腹生產時,黃祥興亦有入產房陪伴在側及剪臍帶,他說:「BB 重六磅尾,母子都好健康,今次入產房同第一、二次感覺好不同,頭兩次覺得媽媽是主角,好關心媽媽的狀態,今次可能年紀大咗,好期待第三個BB,當然也沒有忽略媽媽,會好關心BB幾點出世、如何出世,又會留意醫生點開刀,到醫生話BB 出世了我就幫手剪臍帶,整個過程都好順利,覺得生命很重要,我們做父母會俾最好嘅嘢小朋友,希望小朋友快高長大。」

黃祥興帶小朋友去醫院時,都做足預防措施。

有鑑近日武漢肺炎嚴重,祥興提醒大家注意個人衛生,自己事前和兩個小朋友都做足預防措施才探望太太和抱BB,入屋前亦會替兩個小朋友消毒,明日都只會自己去醫院照顧太太,小朋友留家以策安全。祥興說:「最近都收到好多朋友祝福問問候,我都叫他們電話祝賀可以,不用專程來醫院,感謝大家的關心。」最後,祥興為了投放更多時間在照顧家人及幕前工作上,決定忍痛退出法國餐廳,希望鼠年能夠有一個新開始!