【武漢肺炎】聞長者冒寒通宵排隊買口罩 周嘉洛勁心痛：好凄涼！
撰文：吳子生
出版：更新：
周嘉洛今日（5/2）到銅鑼灣出席情人節活動。提到近月香港受到「武漢肺炎」疫情影響，市面出現「口罩荒」，有長者冒寒通宵排隊等攞口罩，嘉洛直言感到心酸：「我睇新聞見到啲婆婆，將啲口罩要翻用幾日，又或者因為冇口罩唔敢出街，我睇到呢啲情況我覺得好凄涼，但自己所做到嘅嘢都能力有限，如果我有錢啲又或者多啲口罩都好想幫佢哋。」
周嘉洛表示未埋位拍劇時，同劇所有演員都會帶上口罩防疫。（梁碧玲攝）
周嘉洛續說：「我覺得政府係有責任去做好口罩短缺呢件事，但政府做唔做到，又或者點樣去處理，而家呢啲問題，佢哋有佢哋嘅諗法，而我作為其中一個市民，可以透過乜嘢合理合適嘅方法去表達到自己嘅嘢，做咗嘅我都做咗，亦明白好多嘢唔係屬於自己嘅控制範圍之內，唯有做好自己嘅嗰部份囉。」
嘉洛透露家中口罩數量，足夠使用一個月。（梁碧玲攝）