【新冠肺炎】楊卓娜戴口罩盡量唔化妝：女士最緊要係皮膚唔係妝容
撰文：陳芷穎
出版：更新：
楊卓娜昨日（5/2）出席無綫（TVB）劇集《黃金有罪》的宣傳活動，因應TVB的防疫措施，一眾演員均要戴上口罩。楊卓娜戴上自製的口罩套現身活動：「口罩好難買，想珍惜少少，唔想用一用就掉，太唔環保。做啲布套套住口罩，每2、3個鐘就換一次。洗完手，用乾淨口罩套套住個口罩，可以延長口罩壽命，冇辦法之下嘅辦法。而家有兩盒口罩畀全家用，慳慳哋未係好緊張，可以分享啲畀朋友。」
卓娜戴上自製的口罩套現身活動。（陳順禎攝）
戴口罩難免會有脫妝問題，對於要上鏡的藝人影響更大，不過楊卓娜覺得可以接受：「有口罩係保護，係愛嘅表現，互相保障到健康係好事。如果戴口罩可以唔使化妝仲好，可以令皮膚呼吸下，唔使咁敏感。（有咩口罩妝推介？）淡妝。化少啲妝，個口罩比較焗，口氣會蒸返上塊面，會黏住啲化妝品，會一嚿嚿，再加上出汗，對整體衛生都唔好。（面生粒粒可以點？）唔好化妝，又可以慳返啲錢，畀皮膚有個休息機會。女士最緊要係皮膚，而唔係妝容，妝容係加分，皮膚好先係最緊要。」
+1