張建聲疫市開張變陣 2500呎共享空間：以極平租金租借俾年輕人
撰文：洪曉璇
出版：更新：
張建聲（Justin）去年同三位好友於葵涌夾份租一個面積 2,500 呎嘅單位，諗住創業一齊搞 workshop，經過翻新及簡單裝修後，原先打算去年底使用，但期間撞正Justin 去咗日本拍 viu TV節目《港男入贅手冊》和劇集《打天下》，緊接再去台灣拍戲，飛來飛去結果拖到近日先正式開張。
張建聲及三位拍檔。
新工作室名為「JND 就呢度」，初十正式拜神開張大吉，不四位拍檔共商後，決定將工作室改建成共享空間，以極平租金租借俾年輕人或創業人士作為辦公室及聚腳地。Justin 話：「經過呢幾個月，我哋商討過之後，改變咗我哋嘅出發點，諗住善用呢個地方，分租出去俾搞創作嘅人，唔使自己捱貴租，又有一個夠大又好使好用嘅地方，仲可以建立一個自己嘅圈子，我哋歡迎所有前期、後期或者要個 office 做剪接、度橋、拍嘢、開會嘅人，用一個相宜嘅價錢租出。我哋係想聚埋一班做 art 嘅朋友，世界難撈，大家守望相助，互相幫忙啦。」
張建聲話會以極平租金租借俾年輕人或創業人士作為辦公室及聚腳地。
+4