【妻子的浪漫旅行】楊千嬅擔憂患腦退化　丁子高：煩到佢記得我

內地綜藝節目《妻子的浪漫旅行3》即將播出最後一集，曾在上集中表示擔憂自己係腦退化高危一族嘅楊千嬅，有感近年記憶力瞬間變差，經常整唔見嘢，認為自己已經去到唔正常嘅地步。為真係會腦退化，佢開始用手機或者相機將美好嘅事情一一記錄下來。
 

去到今季最後一集，眾人喺聚餐時，丁子高重提此事：「我在攝影棚的時候說她為什麼說得那麼嚴重，但是現在我知道你的心裏面需要的是甚什麼東西。」並指自己每日都會比一啲經驗楊千嬅，令佢可以記住自己。「請不要忘記我就好，每天要記得我就好，所以我在生活中有很多點滴，每天有新的東西給她試一下。」丁子高笑言用「控制小生活」令楊千嬅記得有一個咁麻煩嘅人喺身邊。主持人謝娜問到如果將來真係有一日，真係咩都唔記得的話會點算，丁子高沉思了一會後，表示：「我每天不停做同一些事情，我重複在做，她一定會記得我的。」聽到老公咁愛自己，向來眼淺嘅千嬅又再喊到收唔到聲。