【後生仔傾吓偈】提起羅天宇勁尷尬 戴祖儀死撐：食飯傾下公事啫
撰文：鄺鈺瑩
出版：更新：
有「女神收割機」之稱嘅羅天宇，去年被影到同戴祖儀喺沙灘撐完枱腳再一齊放狗，本月羅天宇又被影到親自駕車送戴祖儀返電視城開工，感覺似乎十分要好，但死口唔認拍拖。喺最新一集《#後生仔傾吓偈 》中，一班新血後生仔提及自己嘅感情狀況時，戴祖儀有感而發表示：「其實呢……搵女朋友搵個男仔頭反而仲好。」
戴祖儀話自己唔會主動出擊……（影片截圖）
戴祖儀之後自己唔係主動型，陸浩明隨即反駁：「你同阿宇（羅天宇）去放狗喎。」提到放狗一事，戴祖儀即時激動澄清，話隻狗係屬於餐廳嘅其他食客，黃美棋於是問：「但的而且確係有去散步，係未?」係有圖有真相嘅情況下，戴祖儀就話「係食餐飯傾下公事啫。」陸浩明聽完即笑指：「好少見你食飯傾公事架喎。」一臉心虛嘅戴祖儀明顯十分緊張，竟然爆出一句：「我同你都無合作。」明明有同陸浩明一齊主持《娛樂大家》、《#後生仔傾吓偈 》，但戴祖儀竟然為咗羅天宇而擘大眼講大話，到底佢合作嘅定義係咩呢？！
點知愈講愈衰，連同陸浩明無合作都講得出，誠信破產。（影片截圖）
喺尷尬到暈嘅情況下，戴祖儀以「都係講返其他人」去完結成件事。