李施嬅入行多年終獲邀合唱勁興奮:可以進攻樂壇新人獎

撰文:陳芷穎
出版:更新:

李施嬅、海俊傑今日(19/2)現身商台宣傳TVB劇集《法證先鋒IV》及合唱歌《二次緣》。李施嬅透露今日是最後一次為劇集宣傳,因為明天就要飛到加拿大拍劇,不過她希望能趕回來一同欣賞大結局:「小青姐(梅小青)想我一齊睇大結局,我聽日飛係早咗過去,希望可以配合到。第一次喺外國擔正,戲份都重,睇下可唔可以拍晒我啲戲份先,等我趕得切返嚟。希望可以完滿,呢套都係小青姐退休告別作,好希望可以支持。」

李施嬅搭飛機會帶備酒精搓手液、口罩、眼鏡,帽。(陳順禎攝)

李施嬅、海俊傑的合唱歌《二次緣》MV以微電影方式拍攝,二人對成品非常滿意。施嬅更大爆海俊傑拍攝時感動流淚:「我都估唔到佢原來咁感性,因為拍《法證》佢個人係好硬。經歷咗《法證》咁耐,終於投入到。佢除咗對住太太,係唔識同其他女人談心,所以你太太係好幸運嘅女仔,唔需要擔心老公,係唔會過到電。」

李施嬅指海俊傑完全不懂談情,要慢慢灌輸結他,例如眼神可以溫柔些。(陳順禎攝)

施嬅第一次唱屬於自己的歌,海俊傑讚不絕口:「佢唱得好好,彈琴又好,音樂元素已經喺度,佢一開始錄好擔心,施嬅好勤力,搵咗好多老師,又主動搵我夾歌。」施嬅等了多年,終於獲邀合唱,所以她非常珍惜今次機會,更笑言要競逐樂壇新人獎:「我而家已經係樂壇新人,2020年新人,可以進攻樂壇新人獎。」

「武漢肺炎」疫情嚴重,無疑會影響歌曲宣傳,施嬅大感可惜:「呢首歌好啱合唱,有卡拉OK將首歌擺咗版面,但冇人去點。不過諗緊有冇得上網,有啲app可以同大家合唱,或者開live同大家一齊唱。」

點撃睇更多施嬅靚相:

+2