譚嘉儀分享遊澳靚相　慘被胡鴻鈞寸靠美圖

好多藝人都有開IG，分享工作照之餘，亦可以分享日常生活靚相。最近譚嘉儀飛到澳洲旅遊，不停分享當地街拍照，藍天白雲下相當有夏日氣息。身在香港嘅好友胡鴻鈞（Hubert）都有留言，但就好似話中有話引來嘉儀反擊。

嘉儀著上吊帶裙企喺海邊相當寫意，佢留言話：「很想念出海啊，夏天請你快快來！#今年想挑戰學識游水先#有冇人想教我呢！」點知引來Hubert留言話：「教咗我Photoshop先啦！」擺明寸嘉儀IG靚相靠執出嚟，嘉儀即刻還擊：「你先係master of photoshop wor!!」刀來劍往相當爆笑。