JW王灝兒分享化口罩妝心得：日霜都唔搽

近幾個月香港人開始習慣戴口罩嘅生活，只要踏出家門就一定做足防護措施，有網友笑言女士們少咗遲到，因為化妝只需要化半塊面，口罩遮蓋嘅位置唔使化，分分鐘化妝品都慳唔少﹗不過戴口罩要睇落個樣精神，都要花啲功夫，JW王灝兒呢日就分享如何戴口罩都顯得有神。

其實口罩妝最重要精髓就喺對眼度，因為大家聚焦喺眼，唔夠瞓有黑眼圈真係特別礙眼，JW話：「依家只需要搽眼霜及精華，要戴口罩的話日霜都唔搽。然後只需用遮瑕及化眼妝即可，對下位置都唔使化妝。」依照JW嘅步驟，話唔定5分鐘已經完成可以出門啦。