【新冠肺炎】馬來西亞演唱會延期 吳若希:無謂為咗賺錢去博!

撰文:賴家杰
出版:更新:

吳若希(Jinny)與周柏豪的馬來西亞演唱會近日因為新冠肺炎(俗稱:武漢肺炎)關係,宣布延期舉行。今天(17日)Jinny出席無綫(TVB)綜藝節目《娛樂大家10點半》錄影時便大談感受。她接受《香港01》訪問時說:「我就唔會話好失落,咁大家都面對緊一個疫症影響,唔單單為我自己安全,都要為每一位嚟睇演唱會嘅支持者安全。希望大家因此疫情關係需要忍耐少少,唔好去人多地方。我哋都好抱歉要延期,唔想影響大家。」

Jinny不知道演唱會需要延期多久才舉行。(葉志明攝)

首次在馬來西亞舉行演唱會,Jinny透露原本是準備了驚喜給一眾歌迷,她說:「始終第一次喺馬來西亞開演唱會,又係第一次同柏豪合作,原本安排一Part係我哋合作。我覺得係開心同吸引,對於我嚟講少係幕前做。(唔講得?)跳舞囉,我跳一個好好睇嘅舞,係我嘅世界呢樣(跳舞)少發生嘛。」

Jinny指現在有更多時間可以練習她的舞技。(葉志明攝)

不過演唱會延期少不免造成金錢損失,對此,Jinny笑言不在意:「我覺得呢個時間係唔需要計較金錢上損失,因為我寧願賺少幾個月錢。搵錢係搵一世,健康都係跟一世。我寧願要健康身體,慢慢工作,健康係大於一切,無謂為咗賺錢去博。」

+1