菊梓喬用受疫情影響工作停擺零收入 　面對五位數稅單感頭痛

新冠肺炎（俗稱：武漢肺炎）疫情愈見嚴重，各行各業都大受影響，歌手藝人工作9成受影響，演唱會大部分延期，公開活動取消，年初公司周年晚宴商演旺季今年都見財化水。菊梓喬（Hana）去年喺頒獎禮大豐收，但最近工作停擺都大呻零收入要慳住使。

從小姐兼母職嘅Hana，為照顧細自己一年嘅妹妹，13歲就輟學，喺社工介紹下做美容院做學徒，18歲做埋新娘化妝師，一直為供養妹妹讀書而努力。直至妹妹畢業Hana先放膽追夢，自簽約星夢後工作機會不斷，但最近工作唔係延期就取消，Hana指自己收入唔穩定無留錢交稅，令佢收到5位數稅單時表示好頭痛，指自己要去信稅局申請暫緩繳稅。