【新冠肺炎】羅家英大馬返港隔離14日 意外流出汪阿姐愛的暱稱
撰文：陳栢宇
出版：更新：
羅家英今日（25/3）從馬來西亞吉隆坡返港，他接受訪問時坦言過關時已測體溫，亦戴上電子手帶準備回家隔離14日：「準備返去坐監，你知阿姐（汪明荃）幾緊張，已經準備好晒，安排好我嘅自由活動範圍，14日好快過啫，我鍾意喺屋企，Hea下、睇下波、睇下書、玩下二胡，好快過嘅。」談到羅家英本身是在馬來西亞拍攝網劇《女法醫JD》，現時拍攝進度因新冠肺炎（COVID-19，俗稱武漢肺炎）暫時，他坦言未知幾時復工：「嗰邊都幾緊張，好似戒嚴咁，好多軍隊，捉啲人返屋企，去機場都經過幾個路障，查問過知道返香港先放行。」
雖然阿姐未有親身接機，但都有短訊歡迎家英哥返港，當中最值得留意是，家英哥竟然Set「汪太后」做汪阿姐聯絡名稱：
+19