【新冠肺炎】譚杏藍美甲店生意大跌堅持保員工飯碗：提高佢地底薪

新冠肺炎疫情下，香港政府宣佈為免人群聚集，3月28日傍晚六時起，戲院、派對房間及健身室等娛樂場所需要全部關閉，禁令維持十四日。譚杏藍（Hana）旗下健身室都被逼停業，另外佢嘅美甲店就繼續營業。疫情下不少打工仔都被逼停薪留職，Hana接受香港開電視主播植詠珊（Cathy）訪問時，就表示一定會保住員工的飯碗。

Hana話：「過往一星期生意額都會達六位數字，但受疫情影響，現在只得五位數字。」雖然生意大跌，但Hana都無強迫員工停薪留職：「其實美甲師人工大部分靠份佣金，所以最近我提高佢地嘅底薪，等佢地收入得到保證。」Hana坦言自己大部分幕前工作都被迫取消或延期。不過佢並無浪費時間，透露將會籌備網上直播節目，希望與粉絲繼續遙距互動。