【法證先鋒IV】傳陳煒男友會面前妻享天倫：佢有自己嘅家庭成員
撰文：秦志鴻
出版：更新：
陳煒（煒哥）今日（7日）聯同無綫劇集《法證先鋒IV》監製梅小青以及主要演員包括李施嬅、譚俊彥、黃浩然以及海俊傑到黃大山向一所護老院捐贈防疫物資，以善舉作為劇集高收視的「找數」方式，但其實煒哥已約好譚俊彥實行第二波「找數」：「劇集入面，觀眾會見到我哋兩個各自整八寶鴨，但其實隻鴨從來都不見天日，所以我哋就會整返隻真正嘅八寶鴨，今次見得過嘅！」
煒哥話最近都係留喺屋企，而且不斷鑽研廚藝，亦拍咗一啲教人煮嘢食嘅片段，準備喺網上平台分享。（陳志嵐攝）
早前煒哥再次墮入愛河，與圈外醫生男友拍拖獲眾人祝福，而二人發展亦非常迅速，早前就有報道指二人已經同居，煒哥笑言：「係互相照應啫！又唔可以話完全同居！」而提到日前有雜誌煒哥男友與前妻會面享天倫，煒哥亦大方表示不會介意：「佢有自己嘅家庭成員，佢去見佢哋係好正常嘅事，唔需要去介意，（男友會介意你與前夫有聯絡？）唔介意，亦都唔係經常聯絡，都係WhatsApp 問候吓，前夫亦都有問候我而家個男友。」
煒哥果然夠大方！（陳志嵐攝）
煒哥話暫時未有計劃結婚。（陳志嵐攝）