張敬軒新廣告一人分飾一家四口 呢個扮相驚喜過「倪黃昏」!
撰文:朱奕錦
出版:更新:
張敬軒日前於IG上載反串倪晨曦的一輯靚相,無論妝容、表情、pose等都學足對方,扮得有板有眼,引來大批網友大讚他「靚女」。
其實這是軒仔新廣告中的角色,也是繼早前化身新人「火龍果」,惡搞容祖兒的《Pretty Crazy》MV後,今次再度反轉。當中他大膽破格挑戰,一人分飾四角,扮演一家四口,分別是同本人一樣鬼馬精靈的哥哥、醒目仔仔、妙齡乖女以及精打細算的靚媽,雖然各有特色,但這些統統難不到鬼馬機智的軒仔。
而對於今次的突破演出,軒仔也倍感新鮮,他解釋到:「要一人分演一家四口確實有難度,需要跳出固有框框去演繹少年嘅活力純真、甜美可人嘅少女心,仲要突破年齡界限,扮外嚴內慈又精打細算嘅媽咪。不過,同音樂創作一樣,只要勤加練習,做好事前準備功夫,認真綵排揣摩角色嘅神髓,就冇完成唔到嘅挑戰!我希望喺呢段期間為大家帶來更多歡樂氣氛,讓大家安坐家中都可以充滿正能量!」