【飛虎之雷霆極戰】苟芸慧演馬明惡妻 笑拍檔大細路:有天真一面

撰文:陳栢宇
出版:更新:

「幸福人妻」苟芸慧(苟姑娘)自2018年下嫁陸漢洋後,鮮有在熒幕出現,今次在無綫重頭劇《飛虎之雷霆極戰》中飾演馬國明(馬明)太太「殷婷」一角,不僅是婚後首套參與的香港劇集,亦是相隔4年首次重返香港熒幕的作品,難怪苟姑娘大叫緊張。2016年苟姑娘離巢無綫後,一直未有在港拍劇,今次「復出」苟姑娘直言感觸良多,每天開工都記起昔日在TVB的日子,「因為我個人較念舊,所以見番電視城化妝師、工作人員、攝影師,好感動好,勾起多好開心回憶。」

劇中,苟姑娘飾演一名惹笑惡妻,有不少鬧爆老公馬明的鏡頭,為緊湊的飛虎劇情帶來輕鬆的喘息位,苟姑娘表示:「今次拍攝完全唔辛苦,可能時間安排得好,而且同馬明對手戲都以輕鬆為主,唔使打、唔使喊;記得我同馬明開工嘅第一場戲,就要發脾氣鬧佢,嗰場戲仲要喺街巿度拍,好多人望住,所以都幾大挑戰。」

苟姑娘在《飛虎之雷霆極戰》中飾演一名惹笑惡妻,有不少鬧爆老公馬明的鏡頭。

對於在《飛虎之雷霆極戰》跟馬明首次合作,苟姑娘對馬明有讚冇彈:「馬明好有耐性,拍攝期間,有時自己狀態唔好,自己都會忟憎,但馬明就好有耐性,對住我笑下,叫我唔使咁緊張,安慰我。戲中,我哋有個囡囡,埋位之前,我見到馬明會主動同個小朋友玩、傾偈,感覺好有爸爸Feel,亦令我好安心同佢工作。」

問到苟芸慧跟馬明在戲中有否難忘場面?苟姑娘笑說:「有次好搞笑,有日馬明突然同我講『苟姑娘,原來我哋有場床戲』,我話我睇過劇本唔係咁樣,後來先發現,馬明講嘅床戲,係坐喺床傾傾偈嘅戲份,都佢合作過,先知馬明原來都好似小朋友,有天真嘅一面。」

點擊下圖觀看苟姑娘與馬明在劇中的畫面:

提到演惡妻,苟姑娘指現實生活中,她對着老公亦有惡的一面,她說:「佢(老公)有反映過我拍呢套劇時,個人特別惡,可能我唔覺意將角色嘅性格帶埋返屋企,但我覺得佢應該接受到,喺鬧嘅過程,表達到我嘅想法,我估佢都鍾意嘅。」《飛虎之雷霆極戰》是苟姑娘婚後首部作品,未知在拍攝期間,老公陸漢洋可有到場探班?苟姑娘沒好氣表示:「試過一次,佢(老公)話咁啱喺附近工作,之後就《愛的迫降》咁空降拍攝現場,我返到屋企同佢反映,唔好再喺我工作位置出現,咁樣會令我分心,好似成日有對眼望住我咁,好唔自在,不過佢就話嗰次係嚟睇馬明,仲話馬明係佢偶像。」

點擊下圖觀看苟姑娘訪問靚相: