陳山聰暑假做爸爸 太太上載型格唯美懷孕寫真：不孤單亦不徬徨
撰文：洪曉璇
出版：更新：
陳山聰與Apple在雙方家長、長輩等見證下，宣讀誓詞交換婚戒。(Vcg.com)
陳山聰19年11月同拍拖5年嘅圈外女友Apple舉行婚禮，短短數月就造人成功，情人節山聰宣佈太太有喜，仲透露預產期喺暑假。呢日Apple上載多張孕照，既型格又唯美﹗
陳山聰太太上載多張孕照。（IG：apple_ho_ho）
六張孕照中，分別以黑白作主色調，見到Apple陀得好靚保持S曲線，孕肚未見太多妊娠紋，山聰從後環抱太太，又捧住孕肚情深望住太太。Apple留言話：「本來一直都無諗住影大肚相，到最後決定都係影留返一個美好嘅回憶。想不到由結婚至到就嚟生BB可以一年內完成非常之感謝上天﹗非常感恩沿途身邊有很多有經驗的好朋友比好多意見及鼓勵我，令我在這個奇妙旅程入邊並不孤單亦不徬徨，每一位好友都是說不要怕麻煩有問題即刻搵我實在令我暖在心頭，感謝每一位好友當然包括我老公Love you all #期待新生命#大肚照#準媽媽」
陳山聰從後抱住太太，黑白孕照型格十足。（IG：apple_ho_ho）
+12