樂易玲生日會造就蔡思貝與4位緋聞前度同場 傳男星們互當透明？
撰文：洪曉璇
出版：更新：
每年除咗TVB台慶之外，可以令一眾小生花旦同場現身嘅，必定數到樂易玲生日。貴為電視廣播有限公司助理總經理（藝員管理及發展）及邵氏電影執行董事及總經理，每年生日都星光熠熠，仲可以令一眾緋聞前度同場。當大家都聚焦喺熱戀中嘅馬國明同湯洛雯身上，其實蔡思貝同4位緋聞男星同場先最精彩。
蔡思貝入行以來緋聞多多。（IG：@sisleychoi）
6月中蔡思貝接受電台訪問時，首度剖白與麥秋成情路，承認麥秋成係佢入行後唯一男友，讚對方是好男人，雙方因了解而分手。估唔到話後未 完佢地就同場出席樂小姐生日會，同場仲有蔡思貝歷任緋聞男友王浩信、余德丞及最新嘅胡鴻鈞。
蔡思貝麥秋成、王浩信、余德丞、胡鴻鈞各據一方。（IG：@strawberry_yeung）
有傳生日會當晚，大家喺樂小姐西貢寓所，蔡思貝滿場飛大方同前度麥秋成傾計，但4位男士王浩信、余德丞、胡鴻鈞同麥秋成就各據一方互當透明。蔡思貝被問到新歡舊愛同場一事，佢就表示大家都係好朋友。
蔡思貝同余德丞、胡鴻鈞先後傳緋聞。（IG：@sisleychoi）
點擊睇樂易玲生日會精華照片！
+3