劉佩玥食素減咗「包包面」仲有筷子腿：女仔食素對身體好啲!
撰文：林通賢
出版：更新：
劉佩玥以前有點包包面,但昨日出席活動時，輪廓分明亦有精神，原來近半年開始食素。(陳順禎攝)
劉佩玥Moon今日出席新劇《逆襲人生》造型記者會，一向有點babyfat的她，比之前瘦了兩個碼，更不再包包面，而最重要是相當精神，但原來Moon沒有刻意減肥，只是改了吃素，她更公開食素心得，她說:「我唔係專登減肥，因為呢輪我轉食素，唔係餐餐食，但盡量都會食嘅，我只係想健康啲，清減一下身體上嘅內在脂肪，同埋而家年紀大喇(其實得30歲)。」
劉佩玥食素後明顥瘦了至少一個碼，人亦精神了不少。(陳順禎攝)
「以前我好鍾意食內臟，牛雜,豬雜我好鍾意食嘅，咁開始食素又慢慢戒咗牛同豬，又唔會見到朋友食就好想食返，8個月前開始，其實素食唔單止菜同飯，仲有好多嘢食，甜品其實都有得食，因為你食紅棗，桂圓，雪耳都得，食得好唔係代表要大魚大肉，最緊要營養豐富，食素對女仔係幾好，皮膚精神係好啲，訓覺特別明顯會快啲入睡，訓得好深層啲,唔會特別易醒。」
+2