【早霸王】女聽眾勇敢表白泰國同性友人 森美：I'm exciting too
撰文：鄺鈺瑩
出版：更新：
女聽眾表白泰國同性友人，連森美都緊張埋一份。（影片截圖）
不時有聽眾打去《早霸王》嘅「你知道唔知道有人掛住你」表白，當中唔少都係因為交友apps而認識另一半，女聽眾Pmhee要表白嘅對象亦都係透過交友apps認識，不過情況同過往有少少唔同，因為對方除咗係同性之外，仲身在泰國。「同我ex一齊七年，去年鬧分手時喺交友apps認到而家呢一位，佢一直都好支持我，但其實嗰時我覺得佢係呃錢，因為自己曾經都喺apps遇過。」
其實《早霸王》都曾經動用到英語表白，但笑料百出。
Pmhee表示當初純粹想搵人傾訴下，至於點解會認識到表白對象呢，係因為對方當時準備來港旅行。「佢同時都有partner，但一直都好多問題，而自己嗰時仲未放得低ex。分手後我有驚恐症，所以有時佢接到香港電話會好驚，但每次出事佢都會即時買機票飛來香港照顧我，所以應該唔係呃我。」
女聽眾曾擔心受騙，但森美就話：「同你相處耐，最後唔愛你嘅，都會覺得呃你架啦。」
雖然曖昧咗好一段時間，但一直都未有確定關係，Pmhee表示對方曾因而感到不快。「佢話我從來無問可唔可以做另一半，佢自己都有問過我，但我無答，因為直到呢刻，我心仲有ex、放唔低，但我認為可以 轉換形式。」
女聽眾表示唔多人知道自己性取向，所以今次公開表白都好大膽。
電話接通泰國的她，森美似乎仲興奮過表白對象，仲咁話「I'm exciting too」非常好笑，由於Pmhee曾經向過表白對象提及《早霸王》，所以泰國的她亦好快知咩事。雙方電話接通後，聽到Pmhee嘅一聲hello，對方已即時淚崩。對於半年未能見面、不時令對方受傷，控制唔到自己，Pmhee都有一一道歉，並希望得到諒解，最後一句 「I want be your superman,can you hold me(my) hand?」絕對係簡單又直接，泰國的她又點會抗拒呢!