【反黑路人甲】張振朗IG晒全裸相打埋格仔 胡鴻鈞激讚:好大!

撰文:邱愛霖
出版:更新:

無綫藝人張振朗有份參演由王浩信、張振朗、高海寧、馮盈盈和湯怡等演出的無綫劇《反黑路人甲》,昨晚(10/8)首集正式出街,要數最爆笑鏡頭的一定是飾演臥底高彬的張振朗在戲中全裸上陣。

他本人在劇集出街後亦在IG上載一張自己全裸相片,相片中他的重要部位被「打格仔」,他配文爆笑寫上:「要係咁多人面前裸跑....都算係又一個成就解鎖」。又轉發自己全裸鏡頭的限時動態,並寫上:「呢獲野(嘢)真係犧牲色相」,又呼籲粉絲趕快下載快他的全裸Whatsapp貼圖。對於今次如此瞓身,吸引很多人留言,包括曾經在《降魔的》露肉的胡鴻鈞,他講笑地激讚:「好大!」張振朗於是回覆他說:「大家咁話!」至於向來大隻的「送水輝」許家傑則說:「又白頭又裸跑,屈晒機!」張振朗則說:「阿頭,你屈機啲~!」

為何張振朗會突然全裸呢?原來在《反黑路人甲》的首集中,張振朗被飾演黑社會頭目女兒蔣千霞的賴慰玲強作駙馬,要求他繼承頭目位置,更要和他即場發生關係。剝光豬的張振朗卻突然性無能,更被途人誤為「變態色魔」而被捕,最後勁尷尬地向差人交代了「臥底」身份。

網民看見張振朗的大膽演出,就大讚「笑到噴」、「我笑到失聲」,反響極佳,看來粉絲勁收貨呢!

首集《反黑路人甲》有咩亮點?即刻睇下!【反黑路人甲】王浩信被醉酒馮盈盈除衫硬上 湯怡雪白長腿好搶眼

+23

你可能感興趣