【上樓哀歌】Beyonce擲6億都買唔到樓 皆因Dream Home賣十億
撰文:劉健華
出版:更新:
成日話香港樓價貴人人買唔起樓,咁是否代表有錢就買得起樓?世界級天后Beyonce和老公Jay Z你未必識,但財經雜誌《福布斯》話淨係Beyonce身家都有成3億美金,係美金唔係港紙,但原來他們兩公婆都買唔到樓,美國樓價仲癲過香港?
是咁的,據知Beyonce同Jay Z數年前已打算在洛衫磯買樓,希望找到他們的「Dream Home」,點知找了幾年找了無數地產經紀都買唔到,他們出手已經不算低,預算大約8,000萬美金,即6.24億港紙,點知6億喺美國原來已經買唔到豪宅,他們在Bel Air睇中的一所超級豪宅,盛惠1.35億美元(約10.53億港元),完全「out筆」,所以兩口子幾億在手都一直買唔到樓,究竟係樓價太高定心頭太高?特朗普會唔會諗下推出辣招幫明星打擊豪宅樓價?