林嘉華重返無綫拍劇 建議加感情線同家燕姐談情
撰文：郭敏玲
出版：更新：
林嘉華自2013年過檔港視後，今次因爲《燦爛的外母》特意返回無綫拍劇，他透露接拍此劇時，監製歐耀興落足十倍的誠意，所以返TVB拍劇。林嘉華現時與TVB簽了部頭合約，不過對於日後會否長久在TVB發展，他說：「其實90年代起，我都已經係簽部頭，不過作為一個演員，我又冇去限自己係咪一年拍得一部，如果出面又有啱做嘅，我都會去接，唔會刻意規限自己。」
林嘉華回到TVB非常雀躍，在會上不斷講笑話。(符祥定攝)
其後林嘉華成為香港電台節目《少年警訊》第一代主持，並受到麗的電視監製麥當雄賞識而轉投做演員。（資料圖片）
曾經過檔港視的他，今次回到TVB，可是近來TVB劇的質素都被批評每況愈下，就算有不少舊臣子回到娘家，劇集似乎有點不似預期，林嘉華對此回應：「我嘅身分係一個船員，喺過程中都係全力以赴去做好自己個崗位，令件事變得更好。而今次返到嚟，唔係為拍劇而拍劇，係覺得劇本唔錯，所以先拍，所以我都有信心。」不過唔講唔知，原來係家燕姐向監製提議林嘉華返港拍此劇，為了答謝家燕姐，林嘉華曾經想同監製加條與家燕姐的感情線，不過他笑言家燕姐不太喜歡他這樣的𡃁仔，所以就冇事發生。