譚嘉儀接人妻吳若希棒 無綫力谷黃金時間洗你腦
撰文：黃梓恒
出版：更新：
譚嘉儀今次揹重飛，兩套劇都有佢嘅歌聲。（Kayee Tam facebook）
在《超級巨聲3》勇奪季軍的譚嘉儀(Kayee)，出道出來一直都在TVB客串吓劇集，上吓綜藝做嘉賓，或者做吓音樂節目主持人。相反自己唱歌的老本行方面就比較少搞作，只係上網翻唱吓人地嘅金曲，出道而來屬於自己嘅歌真係五隻手指數得晒。其實直到上年她的工作定位都好模糊，巨聲出身正常應該好快就會出唱片進軍樂壇，看來Kayee一直在等一個機會。
相信Kayee之前都會以唱歌做重心。（Kayee Tam Facebook）
皇天不負有心人，在上年她就迎來可能係人生中最大重要的轉變，因為公司星夢娛樂正式幫佢出歌喇。就係上年16年，終於出咗第一隻個人大碟《Can You See》，都曾經上過唱片商會單週排行榜嘅第三位，成績都算唔錯喇。去到今年TVB擺明力谷Kayee，除了在年頭的《2016年度勁歌金曲頒獎典禮》頒咗個「最受歡迎新人獎」金獎俾佢之外，在今期兩套黃金時段播放的劇集亦有Kayee的歌聲，分別是《射鵰英雄傳》中的主題曲，亦是她自己的歌曲－《我不歸去》，雖然首歌好評不多，而且有點洗腦，不過都總算係第一首劇集的主題曲，算好大進步喇！第二首就係《不懂撒嬌的女人》的插曲，不過今次只是翻唱盧冠廷的金曲－《陪著你走》，不過即使係翻唱，但公司都依然為這首歌做咗個MV，睇得出公司對她十分著重，看來Kayee星運都應該愈來愈好喇。