【港俄交流．最終回】俄版朝偉Ansheles開金口對決細細粒八級琴技
撰文：鄺鈺瑩
出版：更新：
細細粒早前有幸同梁朝偉合作，回想那美好的時光：「對足三日，真係超緊張。」(黃國立攝)
開心時間過得特別快，細細粒同Ansheles的潮語大對決嚟到最終回，俗語都有話禮尚往來，所以Ansheles都預備了幾句俄文教細細粒，以為他會教「你好靚？」、「電話幾號？」等語句，非也！Ansheles諗了半日結果竟是教「聽日一齊食飯」，果然夠進取。
而近期頻頻去到內地工作的細細粒，雖然忙到無時停，但為了今次拍攝都誠意十足：練琴！Ansheles得知後，深表榮幸之餘，更克服極度懼怕的「唱歌」，至於唱功如何？大家睇片吧……
好多人都唔知，細細粒到底是何時練成一手好琴呢？她說：「11歲左右開始學，雖然比一般小朋友遲起步，但都好快上手，曾經因為辛苦想放棄，最後係媽媽半威迫之下完成。我那時候考琴試係三五七八級咁考，諗返都幾勇，主要係因為唔想浪費錢，試過七級fail，然後不停咁練，再直接報八級，哈哈。」果然成需苦幹，沒有捷徑。
因為怕羞加上中文又唔多好，所以Ansheles好抗拒唱歌，但為了細細粒，最終也是豁出去。
Ansheles視細細粒為偶像，搞完一輪笑，趁機會難得，當然要叫佢哋認真影輯靚相啦！
+6