【足球】重點賽果一文睇晒 C朗美斯分途入波 阿仙奴勇挫愛華頓
周日（9月23日）歐洲聯賽上演了多場比賽，最矚目的不出意甲與西甲。
C朗拿度與美斯同日齊齊入波，本來不是新聞；但C朗今夏離開西甲，轉赴意甲效力祖雲達斯，二人仍然能夠同日入波，可算是相當有緣分。
意甲開季4戰全勝的祖雲達斯，作客出戰賽前錄得1和3負排尾二的費辛隆尼，周中歐聯領紅被逐時淚灑球場的C朗拿度，表現一如以往積極進取，惟多番攻門都未能破網。
直到81分鐘，C朗在比真歷「助攻」下近門射入，一吐領紅烏氣之餘，個人亦連續兩場意甲聯賽有波入。臨完場前貝拿迪斯治再建功，為祖雲達斯鎖定2：0勝局，延續開季全勝走勢。
詳細報道：C朗意甲開齋到歐聯領紅後再發威 葡萄牙球王的8日快樂與哀愁
同樣開季全勝的巴塞隆拿，主場面對黑馬分子基羅納，隊長美斯正選披甲，為巴塞在西甲上陣第423場，刷新了前隊友丹尼爾的422場紀錄，成為西甲史上出場次數最多的外籍球員。
人逢喜事精神爽，美斯21分鐘就打開紀錄，只是基文迪朗格勒34分鐘被球證文沙路以紅牌驅逐離場，令球隊踢少一人。烏拉圭國腳史杜安尼之後連入兩球，一度為基羅納反先，但碧基62分鐘頭槌扳平，助巴塞保住1分。
經常射入精彩自由球的美斯，今場曾得到不少機會，但在「食糊位」主射罰球不是中楣，就是未能逃過門將耶辛尼保奴的十指關。最終巴塞隆拿只能與基羅納踢成2：2完場，連勝走勢告終。
阿仙奴英超尾場主場鬥愛華頓，憑拿卡錫迪的靚入波打破僵局，奧巴美揚數分鐘後擴大比數至兩球，最終球隊以2：0獲勝，各項賽事合計累積5連勝。值得一提的是，奧巴美揚入球前疑似處於越位位置，但球證未有示意犯規；除了這一球，整場比賽也曾出現另外幾次爭議判決。
頭場車路士作客韋斯咸，全場主攻下卻無法攻破演出神勇的門將法比安斯基，今季首次失分，聯賽榜與曼城同得16分，但得失球差不及曼城，跌落第三。
詳細報道：阿仙奴主場挫愛華頓錄5連勝 拿卡錫迪奧巴美揚各入一球