【足球】重點賽果一文睇晒 巴塞和波失分 C朗助攻領祖記8連勝
今周可謂大戰連場，除車路士對利物浦的英超大戰外，西甲上演了馬德里打吡，意甲亦有祖雲達斯激鬥拿玻里的好戲。
未能「坐定定」錯過了連番激鬥？即睇下文盡覽好波！
在馬德里打吡上演前，巴塞隆拿率先登場對畢爾包，「坐定粒六」收起美斯，讓這位阿根廷好波之人可以養精蓄銳，準備好周中歐聯作客熱刺的大戰，以為仍可全取3分。豈料留力留出禍，41分鐘一次防守不留神，被對手前鋒迪馬高斯入楔，輕鬆將馬高蘇沙亞達的傳中球送入網窩。
半場落後一球的巴塞，在55分鐘終於換入美斯，但要到84分鐘才由另一後備兵蒙尼亞艾哈達迪，近門篤入美斯傳球才追平。「地上最強」已連續3仗西甲失分，現時只以較佳得失球，力壓皇家馬德里排榜首。
迪哥上次入波數到2月
至於皇馬今輪主場迎戰馬德里體育會，圍攻對手下未能取得入球，更有加里夫巴利受傷，暫未知他的傷勢如何。馬體會今仗捱打，憑門將奧比歷出色的演出保住一分；不過，陣中射手之一迪亞高哥斯達繼續腳頭無靈，已經連續16場聯賽沒有入球，上一次入球已要數到去季西甲第25輪作客5：2大勝西維爾了。
詳細報道：
【西甲】皇馬悶和馬體會 巴利傷出 迪哥連續16場聯賽「食白果」
3分鐘做到乜？史杜列治入世界波
3分鐘對你來說可以做什麼？煮個杯麵應該是最常見答案。不過，史杜列治告訴大家，一個好前鋒後備上陣3分鐘，可以入球世界波，幫球隊挽回劣勢。
利物浦在86分鐘仍落後由夏薩特先開紀錄的車路士一球，但後備上陣的史杜列治用了3分鐘時間，就找到機會在禁區外射個世界波，對手門將阿列沙巴拿加鞭長莫及，令「紅軍」在英超仍保持不敗，難怪領隊高普賽後不停大讚這名英格蘭射手。
詳細報道：
【英超】車路士1：1遭利物浦逼和 史杜列治上場3分鐘做救世主
按圖放大：其他英超賽果
無入球？祖記3球都有C朗份
那邊西甲美斯後備上陣，這邊意甲今輪亦有C朗拿度出場。這位葡萄牙巨星今仗對拿玻里的大戰中雖然無入球，但仍是球隊贏波一大功臣，多得他兩次助攻，文迪蘇傑及邦路斯先後建功，助球隊以3：1反勝拿軍。
事實上，今戰梅開二度的文迪蘇傑，第2個入球多得C朗勁射中柱，才讓他可在門前「執雞」；因此祖雲達斯3個入球，C朗其實都有直接參與。