【打工仔e肚仔日記】中環川麵私竇 士丹利街瘋狂小面
撰文：01電商
出版：更新：
大隱隱於中環士丹利街有家「瘋狂小面」，聞說因為味道正宗而迅速成為四川同鄉嘅私竇，翻開肥腸麵，拿起件肥腸嚟照照燈，肥膏同腸入面嘅「污糟嘢」都洗得一乾二淨，食落去爽脆俐落，如果沒有膽固醇嘅羈絆，絕係可以encore多一碗嘅水平！
一聽見川菜梗會聯想到好「火辣火辣」咁樣，其實成都人比較著重辣椒香味，而唔係一味靠辣，而為咗迎合港人口味，老闆特意用雞骨豬骨熬製靚湯底，造法與川人不重湯有少少唔同，當然有埋湯底層次就更加豐富，呢個或者就係香港稱得上「美食天堂」嘅原因，唔同菜系共冶一爐，因時、因地反覆調節與fusion，泡製出世上獨一無二嘅Hong Kong Sytle！