關楚耀「裸跑」憶小學被性騷擾:居然喺校巴攞出嚟……

撰文:陳奕熙
出版:更新:
Kelvin今次為咗拍劇獻出第一次裸跑。(陳奕熙攝)

關楚耀(Kelvin)同胡諾言(胡仔)最近拍攝TVB劇《特技人》,特技就暫時未見到,但今日探班Kelvin居然「裸跑」示眾。Kelvin笑言今次是自己的第一次,拍之前都有點擔心:「打開劇本就係話裸,我都有問導演點拍,佢就話點都會加條肉色底褲,但都會尷尬㗎嘛,頭先到現場,睇到知感覺喇,導演話嚟,我都自己除衫除褲,除晒之後冇晒負擔好似輕鬆晒。」Kelvin笑言自今日之後好似有點愛上了裸跑的感覺:「今晚返去就試下裸睡。」

Kelvin笑言愛上了裸跑,打算回家試下裸睡。(陳奕熙攝)

見兩人身穿校服,胡仔自言覺得有種青蔥歲月的感覺,整個造型連個髮型都諗過度過:「讀書時真係劉德華嘅髮型嚟,但我嗰陣係薯餅嚟,帶住副眼鏡怕怕羞羞咁,成日畀人鬧,畀人蝦。」

Kelvin都爭住自認薯仔,讀男校的他更自爆試過畀人「性騷擾」!他解釋說:「試過搭校巴畀人性騷擾,唔係搞我,係隔離嗰個搭搭下校巴突然攞(下體)出嚟玩喎,真係㗎,唔係講笑,我好記得㗎,嗰時小四,剛開始對依啲嘢有興趣嘅年紀。」現在說起來好似講緊笑話咁,但見Kelvin講到眼都凸埋,就知個時幾驚嚇。

+2

而校男女校出身的胡仔就話當其時學校好嚴,雖然《特技人》中有橋段講Kelvin畀咸碟胡仔睇,但現實生活沒可能會發生:「其實係唔夠膽嘅,但青春期時對依樣嘢好奇係實有㗎,你話有冇睇過,冇都呃你啦,都係一個階段,最緊要唔好諗歪。」