陳柏宇50萬搭戶外四面台夠霸氣 自動升降為紅館騷熱身

撰文:鄺鈺瑩
出版:更新:

陳柏宇(Jason)今午於尖沙咀文化中文外舉行「圍你四面台」音樂表演,雖然只係短短半小時並唱了5首歌,但據知單是搭台及樂手費這次竟然花上50萬!對於唱片公司如此大手筆,Jason訪問時第一個反應係:「咁貴!」之後更笑笑表示:「咁紅館騷應該用少50萬補返。」紅館?你無聽錯,陳柏宇真係要開紅館演唱會啦!據知係今年內開騷。

出道12年,陳柏宇終於開紅館。(梁碧玲攝)
陳柏宇而家已經操到好大隻,不過佢話仲未夠。(梁碧玲攝)

而今日嘅Jason預演,其實就係想佢感受一下四面台的氣氛。不過有關開紅館騷嘅詳情,Jason就話日內會舉行記者會再公布,問他屆時會否跳舞,他笑言:「都要我有歌跳先得,不過點都會跳少少嘅。」他又透露會keep住操肌,但露肉與否就未決定。「今日狀態ok ,但可能要去睇醫生,因為啲假音愈來愈差,可能老啦,希望唔係聲帶有事啦。」大吉利事咩,好多歌迷等緊聽你唱歌呀。

講返呢次戶外騷,由於費用全免,所以入場觀人數加上圍觀路人,目測過千!開騷前Jason亦忍不住走出休息室望望,上台後,Jason連唱《永久保存》、《霸氣情歌》、《逸後》三首歌後,又走落台與歌迷握手、自拍,心情極靚。不過今次由於安全未能搭建升降台,所以Jason頻頻玩自動升降,十分搞笑。又表示本身準備了《baby don't cry》、《別來無恙》等組曲,但Jason唱罷唔願走,即場加插多首《放空》,令現場歌迷十分驚喜。因為未曾於四面台表演過,所以Jason似乎不太習慣,經常唔知望向那一邊。他事後亦透露因爲未有彩排,所以音響都唔太慣,接下來將花多點時間準備,敬請期待。

+1