《踩過界》又變返香港優先播 王浩信：一定係照顧我哋香港觀眾先
撰文：溫菁莉
出版：更新：
王浩信及唐詩詠晚上以「螢幕情侶」身分於銅鑼灣出席Eleanor發佈會，提到由王浩信主演的劇集《踩過界》先安排在內地網站優先播，王浩信就指最新安排是香港優先播，「嚟緊TVB會播先，無論題材或其他嘢一定係照顧我哋廣東話同明白香港文化嘅人先。」
王浩信對《踩過界》的題材、演員都好放心，唔怕會變炮灰。（溫菁莉攝）
對於TVB安排《踩過界》於星期六、日播放，王浩信坦言都唔知好定唔好，「因為今次劇集是需要觀眾慢慢消化，一個星期播兩集對他們可能會比較好，太多未知之數。」至於過往唐詩詠一齊出騷嗰位都係前男友洪永城，今次換上王浩信，她笑言，「同佢出騷，唔怕傳緋聞！」咁酬勞會唔會少咗，詩詠就話無特別留意。咁依家心情係咪好返好多？詩詠就話要向前看，「咁女仔梗係愛錫自己多啲，現在要專注返事業啦。」
唐詩詠話同王浩信一齊出騷仲好，唔怕傳緋聞。（溫菁莉攝）
陳瀅、王浩信、李施嬅及唐詩詠齊齊出席活動。（溫菁莉攝）