【山竹後遺】狗場場主被擊昏後「斷片」　洪太：佢成日自責到喊

超強颱風「山竹」今年9月為本港帶來極大破壞，大埔元嶺其中一所狗場被強風吹倒，狗場場主洪先生於搜救狗狗期間被瓦礫擊倒，致腦出血。幸有上天保佑，洪先生經已脫離危險期，惟對當日風暴吹襲經過一概忘記。
洪太接受《香港01》訪問時表示，丈夫經常因為狗場倒下感到自責，又坦言隻身處理重建狗場而感到心力交瘁，但她承諾會堅持營運狗場，待丈夫出院後會一同照顧狗場裡的「老友記」，讓牠們安渡餘生。

超強颱風「山竹」9月16日橫掃香港，導致本港多區出現大樹倒下及山泥傾瀉情況。大埔元嶺一所狗場「老有所依動物村-洪家棣 」於風暴下亦受嚴重吹毀，狗場屋頂封蓋及室內設備無一倖免。

狗場場主洪先生於營救狗狗途中被剝落瓦礫擊倒並當場昏迷，送抵醫院後證實腦出血及全身多處骨折，經過兩個月的醫治及休養，洪先生經已續漸康復，惟頸椎部份仍有傷患，正待醫院排期手術，「宜家都未知道醫院排咗我先生幾時做手術，我都好想佢可以快啲出返嚟，同我一齊照顧班狗狗。」

點撃圖片！看狗場吹倒情況！

因為起初狗場係佢一手一腳起出嚟嘅，佢自己都好慚愧點解自己起嗰陣唔起得個狗場實淨啲，佢太自責啦，成日因為呢件事喊。

相關文章：【山竹餘波】捨身救狗遭瓦礫撃致昏迷　狗場場主終脫離危險期

洪太表示，丈夫經過「山竹」一劫後心情變得飄忽，亦對風暴追襲狗場的經過感到模糊，「如果今日你問返我老公當日（山竹襲港）打風嘅情況，佢真係唔會記得，佢嘅記憶停留咗喺打風前嘅一日。」

洪太又表示，丈夫經常因為狗場被吹倒一事感自責，「因為起初狗場係佢一手一腳起出嚟嘅，佢自己都好慚愧點解自己起嗰陣唔起得個狗場實淨啲，佢太自責啦，成日因為呢件事喊。」洪太感概表示。

呢個狗場係我哋兩公婆嘅心血，我永遠唔會放棄狗場！我要呢班老狗臨終之前，都可以開心快樂咁生活！

相關文章：【颱風山竹】狗場場主捨身救狗仍在ICU昏迷　妻子：請珍惜眼前人

永不放棄放棄營運狗場

「山竹」令大埔狗場完全摧毀，洪太現已著手開始計劃重建狗場，並暫時租置元朗一個鄉郊空住宅照顧23隻狗狗，「暫時因為我住嘅地方太近鄰居，所以暫時都唔希望義工過嚟幫我手照顧狗狗，而重建狗場一事我係有計劃到嘅，但一切都希望先生可以出咗院一齊去做，等佢擔返起支大旗。」

洪太又預期丈夫完成頸椎手術至休養需時約半年，她坦言永遠不會放棄營運狗場，「經過呢一場風劫之後，我真係深深體會到身邊所擁有嘅事同物唔係必然，我會繼續照顧好我老公同啲狗狗，呢個狗場係我哋兩公婆嘅心血，我永遠唔會放棄狗場！我要呢班老狗臨終之前，都可以開心快樂咁生活！」