【豆花起大戰】甜姨姨 VS 錦尚甜豆腐花各有各精彩！

最近有荃灣豆腐花店掀起減價戰，兩三蚊就食到一碗新鮮豆腐花，引嚟街坊大排長龍一試，網上亦開始出現呢兩間豆腐花嘅食味比拼，不過諗到至少要排一頭半個鐘，不如都係開e肚仔叫個豆腐花，落完單直接拎返屋企慢慢嘆好過～見到喺天后都有嘅「錦尚甜」同「甜姨姨私房甜品」有豆腐花食喎，就睇吓呢兩間嘅豆腐花食味如何！

->立即下載 e肚仔 食豆花仲邊洗左排右排

由香港TVB 明星開嘅星級甜品店，一到夜晚就會出現人龍，呢間甜品選擇多，有齊中式糖水、仙草芋圓、西米露、雪花冰等嘅特色甜品，不過最出名嘅一定係豆腐花。甜姨姨嘅招牌係即撞木桶豆腐花，會用小木桶上，用計時器計準時間先食得，非常講究！豆腐花好滑，好嫩，好似BB嘅皮膚一樣咁細滑，入到口慢慢散出天然嘅黃豆香！

芒果二重奏豆腐花

不過個人比較鍾意豆腐花伴生果一齊食，豆腐花系列甜品都有好多配搭，好似芒果二重奏豆腐花，豆花上面舖滿一大片芒果同大量芒果汁，芒果好鮮甜，食落冰凍似食芒果沙冰！

什果豆腐花

食豆腐花嘅同時食到芒果、西瓜同香蕉，水果新鮮香甜，開胃又健康！

紫米茸豆腐花

紫米茸配豆腐花係少有嘅口味，兩者一齊食又意外地夾，紫米味香濃而且有咬口，相對比較飽肚。

榴槤豆腐花

鍾意食榴槤嘅朋友一定要叫呢個，榴槤香樸鼻，果肉濃郁，配上滑溜軟綿嘅豆腐花兩種口感好有層次～豆花上淋滿以花奶打成嘅榴槤汁， 令成碗豆花更滑更有榴槤味！

甜姨姨私房甜品

地址 | 天后電氣道96號A4地舖

呢間甜品店主打各式生果甜品，特別係芒果同榴槤系列最為吸引, 配搭涼粉、小丸子、雪花綿綿冰、窩夫，抵食又好味，屬性價比高嘅甜品店。

什果芒果豆腐花

佢嘅什果比較豐富，有西瓜、蜜瓜、奇異果、火龍果、士多啤梨，再有芒果，每樣都大大粒，多汁鮮甜，幾好嘅係什果同豆腐花分開上，可以試到豆腐花嘅味道，豆腐花香滑，同時有加上用新鮮芒果整嘅芒果汁，甜度啱啱好。

錦尚甜

地址 | 天后清風街2號地下A2-3號舖