【多圖】黃淑蔓生日發表首張專輯:擔心十八歲後冇咁多人錫

撰文:彭嘉彬
出版:更新:

「寰亞孻女」Feanna黃淑蔓即將在今月8號迎來她的18歲生日,形象一向又Pure又True,加上今年剛考完DSE,與學生同氣連枝,深受年輕樂迷歡迎。而寰亞唱片亦打算在Feanna的生日正日為她推出首張個人專輯,更會舉行生日音樂會,慶祝她「成人禮」的到來。

黃淑蔓即將迎來自己的18歲生日,更將推出首張個人專輯。 (黃淑蔓Facebook圖片)

近日拍攝唱片封套,Feanna便遇上了蛻變成「大個女」的首個困難,就是造型問題。今次Feanna將會以成熟女生的形象示人,故此封面出現了tube top拼西裝、魚網絲襪、高踭鞋等造型。Feanna大叫救命:「十八歲,變大人就要試以前未試過的,但最悽慘當然係要著高踭鞋,究竟邊個發明高踭鞋呢?著咗之後對腳好似唔係自己咁,擺唔到甫士,一唔著我就全身都好 free,著咗好虐待啊。」

首次著高踭鞋拍攝封面,Feanna慘叫:「對腳好似唔係自己咁!」 (資料圖片)
點擊大圖觀看更多造型!
+1

提起今次專輯,Feanna透露:「專輯會記錄我由十四歲到十八歲所經歷過的人同事,8 首歌當然會包括<差一點我們會飛>,因為係呢隻歌帶我入樂壇,令我可以勇敢去追夢,同時亦都會用呢首歌嘅成長慨念去發展成張唱片。」

她又指對自己即將迎接18歲感到心情複雜:「一直希望快啲成年,幻想自己可以去邊可以做乜,覺得十八歲就好了,但而家倒數階段了,反而擔心自己變大人之後,怕冇咁多人錫我,做事唔犯得錯,變大人要自己負責任,所以而家會想唔好咁快十八,想十七歲多一年先,可以再玩吓。」

年度大專界歌唱盛事【香港01 X ICMA大專聯校歌唱比賽2019】,決賽將於6月26日在旺角麥花臣場館舉行。

購票詳情:
早鳥優惠 - 5月31號上午10時至6月6日上午10時 ,票價: $110/$130
門票價格 - 6月6日上午11時至6月26日下午8時,票價:$130/$150
<購票請按>