【睇騷神器】手燈螢光棒都可以慳返 新App環保方法造出變色燈海

撰文:黃浩晉
出版:更新:

欣賞演唱會除了為見自己心愛偶像之外,氣氛也非常重要,而其中一個推動氣氛的元素就是燈光。近年,中外大大小小的演唱會加會有手燈、應援螢光棒等等小物免費派發,或供樂迷購買,但這些小物多數都是一次性使用,雖然有紀念價值,但說穿了樂迷帶回家後,通常都「得個擺字」。

基於以上問題,手機應用程式「ShowWhat」應運而生,既可做到連動手機燈海,又環保不佔用空間,樂迷只需要帶智能電話入場便可。

相信大家睇騷都會買手燈或者螢光棒,不過依家有多個選擇,只要有智能電話就得喇!(資料圖片)

「ShowWhat」由Mr. Bass手Dash及阿榮(Dash弟弟)開發,靈感源自一次觀看Coldplay演唱會DVD,台下觀眾的手燈規律有致地造出色彩斑斕的燈海。「當時第一下睇到真係『嘩』咗出嚟!之後其他音樂會都有派發LED燈手帶或螢光棒,但之後就得個擺字,我個仔有時會用嚟當超人變身器玩。所以就想做個App有呢個效果之餘,又可以慳資源,而且智能電話係今時今日個個都會帶出街。」

ShowWhat簡單易用,即Click下圖睇下啦!

阿榮提到,「ShowWhat」將會在5月Mr.《Everyone Concert 10》演唱會首次應用。可能大家會想到,紅館的接收有盲點,這個問題如何解決?阿榮解說:「大家入場要開定藍牙、Wifi同流動數據,即使有啲位收唔到Data,希望透過其他用戶發送訊號到位處盲點嘅電話,希望大家都可以enjoy!」他又提到,理論上「ShowWhat」可以支援到10萬個裝置同時使用,不過實際效果要留待Mr.演唱會實測才知道。

而且App內有「Gallery」功能,完騷後會提供大會拍攝的相片及影片,供樂迷事後打卡。因為阿榮希望大家養成enjoy the show的習慣:「我都明大家入場都想有啲嘢袋番走,但係如果自己拍片之後都係望住個mon,咁睇YouTube都得啦!最緊要係enjoy現場嘅表演、氣氛,同埋舞台設計嘛!」

到5月Mr.紅館騷,大家就可以下載定ShowWhat入場試用。(資料圖片)

「ShowWhat」免費而且簡單易用,分Concert Mode與LED Mode,前者為入場欣賞音樂會歌迷而設,後者則讓用戶在室內舉行小型燈光派對。

Concert Mode由演唱會控制台發射訊號,只要用戶入場前下載應用程式,開啟藍牙、Wifi及流動數據便可,到指定歌曲時更會發放Push Notification提示大家高舉電話營造燈海。

LED Mode則由用戶作主機,只要身邊朋友都有下載「ShowWhat」,開啟藍牙及Wifi便可連動,但現階段只可IOS裝置連接IOS裝置,以及Android裝置間互相連接,而IOS與Android的連接則敬請留意下一階段開發。